На 06 јули 2010 година во хотел Континентал, Скопје во периодот од 09:30 до 14:30 часот се одржа првата работилница за презентирање на постигнатите резултати од проектната активност „Развој на репрезентативна мрежа на заштитени подрачја“ која ја спроведува Македонско еколошко друштво во рамките на Проектот на UNDP и ГЕФ за „Зајакнување на еколошката, институционалната и финансиската одржливост на системот на заштитени подрачја во Македонија“.

Воспоставувањето на репрезентативен нaционален систем и мрежа на заштитени подрачја, ќе придонесе за спроведување на обврските на државата кои произлегуваат од Законот за заштита на природата, меѓународните договори ратификувани од страна на Република Македонија, а ќе помогне и за имплементација на двете основни директиви на ЕУ за заштита на природата Директивата за птици (79/409/ЕЕС) и Директивата за живеалишта (92/43/ЕЕС) во процесот на подготовка за членство во ЕУ.

На работилницата беа присутни повеќе од 40 учесници од следниве институции и организации: Македонско еколошко друштво, UNDP, Министерство за животна средина и просторно планирање, Министерство за земјоделство шумарство и водостопанство, Министерство за транспорт и врски, Министерство за економија, Агенција за патишта, Агенција за планирање на просторот, Природно-математички факултет, Шумарски факултет, Факултет за земјоделски науки и храна и други.

Работилницата се одвиваше по следниов дневен ред:

Во конструктивната дискусија главен акцент беше ставен и на следново:

•   финализирање на репрезентативната мрежа на заштитени подрачја;

•   разгледување на можностите за стекнување првен статус (нејзино прогласување преку некоја уредба) и вклучување во процесот на просторно планирање;

•   воспоставување активна соработка меѓу МЖСПП и другите надлежни министерства;

•   усогласување на мрежата на заштитени подрачја со различните планови за намена и искористување на земјиштето;

•   зајакнување на капацитетот на локално ниво;

•   потреба од прогласување на пониски категории на заштитени подрачја;

•   потреба од формирање на стручен Завод за заштита на природата;

•   изработка на карта на која ќе бидат обележани заштитените и предложените подрачја за заштита во рамките на административните граници на секоја општина;

•   обезбедување финансиски средства за заштита на природата од Буџетот на РМ.

            Контакт:

Робертина Брајаноска,

Раководител на проектната активност

e-mail: Оваа е-пошта е заштитена од spambots, треба да вклучите JavaScript за да ја видите