Канцеларија:

Бул. „Кузман Јосифовски - Питу“, 28/III-7, 1000 Скопје
тел.: +389 (0)2 2402 773 и +389 (0)2 2402 774 ;
факс: +389 (0)2 2402 775

Седиште:
Институт за биологија, Природно-математички факултет, 
Ул. „Гази Баба“ бб., 1000 Скопје, П. Фах 162.
тел: +389 (0)2 3249 611 и +389 (0)2 3249 627;
факс: +389 (0)2 3228 141
contact@mes.org.mk

Македонското еколошко друштво (МЕД) е формирано во 1972 година со мисија за обединување на еколозите од Македонија, развој на екологијата и поефикасно решавање на проблемите во животната средина. 
Друштвото е формирано како членка на Сојузот на друштвата на еколозите на Југославија, под името „Друштво на еколозите на Македонија“. Со пререгистрацијата од 1998 година го носи денешното име.  Со промената на Статутот од 12.03.2010 година променета е и мисијата на МЕД:
 - Да ја унапредува еколошката наука, науката за животната средина и биолошката разновидност и нивната заштита, како и да промовира еколошки оправдано користење на природините ресурси.
Во истиот Статут е прикажана и визијата на МЕД:
 - МЕД сака да ја види Македонија како општесто во кое еколошката наука и пракса е на високо ниво, економскиот развој почива на принципите на одржливост, а стандардите за заштита на животната средина и природата се на ниво на Европската Унија.

Во МЕД членуваат околу 100 активни членови со различно поле на интерес.
Основните цели на МЕД се:
- Промовирање на екологијата како наука;
- Заштита и унапредување на животната средина и природата;
- Ширење на еколошките знаења и унапредување на еколошкото образование; и
- Промовирање на принципот на одржлив развој.

Од 1993 година МЕД го издава списанието „Екологија и заштита на животната средина”, а секои четири години организира и конгрес на еколозите на Македонија, кој има меѓународен карактер. 

Со работата на МЕД раководи Претседателство составено од седум членови. Претседателството на МЕД беше избрано на Годишното собрание одржано на 17.02.2009 година, и има мандат од две години.