Пред почетокот на реализиција на планираните настани во трите избрани значајни растителни подрачја, во периодот од 17 до 27 април, четворица претставници од Македонија учествуваа на десетдневна обука во Англија и Холандија. Организацијата Plantlife International од Англија и Floron од Холандија беа домаќини и организатори на оваа обука. Главната цел на обуката беше воведување на учесниците од Македонија, Бугарија и Романија кон техниките за управување со волонтерските групи кои ќе учествуваат на претстојните настани со цел промовирање на избраните значајни растителни подрачја (Јудови Ливади-Пехчево, Пелистер и Шар Планина). Пред сè, оваа обука опфати повеќе аспекти во поглед на ангажирање на волонтерите: како да се формираат групи од волонтери, инспирирање на волонтерите, раководење со волонтерските групи, смислување различни активности за волонтерите, feedback од волонтерите и сл. Овие теми беа покриени како теоретски, така и практично, преку директна посета на некои од значајните растителни подрачја во Англија каде на лице место се запознавме како волонтерите учествуваат  во управувањето и мониторингот на подрачјето.

Обуката исто така овозможи и многу битна можност за координаторите и волонтерите вклучени во овој проект да споделуваат меѓусебни идеи и да дискутираат за сите аспекти на овој проект: организирањето на самите настани; каква група на луѓе ќе опфатат; какви видови материјали ќе се продуцираат (на регионално и национално ниво), вклучувајќи го тука и специјалниот прирачник за волонтери наменет за овој проект; како проектните активности ќе бидат промовирани на различни начини итн.

Во месец март во рамки на проектот - Проценка на  заканите за птици во две значајни подрачја за птици во Македонија- се одржаа 3 предавања во основните училишта од Овче Поле (с. Горобинци, с. Лозово и с. Ерџелија) со цел запознавање на најмладите од регионот со биологијата и екологијата на белоноктата ветрушка (Falco naumanni) и потребата од поставување на куќички за овој вид. На предавањата, учениците учествуваа во склопување и обележување на куќичките. Исто така, дел од куќичките беа склопени со студентите од Здружението на студенти на Шумарски факултет ДРЕН.

На 6 различни локации беа поставени 69 куќички, кои се надеваме ќе послужат за целта за која се поставени - нови гнезда за белоноктата ветрушка.

Паралелно со поставувањето на куќичките, се процени и гнездечката состојба на царскиот орел во Овче Поле при што крајниот исход е 14 гнездечки локации - од кои 12 се стари локации, едно ново гнездо и една променета гнездечка локација. Еден негативен резултат забележан на терен беа две млади, мртви птици од царскиот орел, од кои едната е жртва на електрокуцијa.

Во рамките на проектот „Осоговските Планини во Балканскиот зелен појас“  организирана беше работна средба на ден 23^ти март 2012 год. во салата на Домот на културата во општина Пробиштип.

Целта на состанокот беше заедничко дефинирање на управувачки модел за предлог заштитеното подрачје – Осогово заедно со сите засегнати страни вклучени во Координативно тело за управување со процесот за прогласување на заштитено подрачје/а на Осоговските Планини. Презентирани беа различни примери/типови на управување во V категорија – Заштитен предел (најсоодветната категорија за заштита за Осогово) од страна на стручните лица од Природен Парк „Витоша“ – Бугарија, исто така даден беше преглед на начинот на управување во биосферните резервати како соодветна форма на управување за Осогово.

Во тек на дискусијата беа разгледани неколку модели и беа дадени насоки за Управувачко тело за Осогово. Шумарскиот сектор и локалните самоуправи како најзасегнати во однос на управувањето заеднички дадоа конкретни насоки и препораки за дефинирање на телото за Осогово. Во наредниот период моделот за управување, кој понатаму треба да послужи за изработка на финансиска импликација за управувачко тело, ќе биде детално разработен од страна на стручните лица и повторно заеднички  ќе биде разгледан и усвоен  со сите клучни страни.

Германските документарни филмови „Во срцето на Балканот – Барајќи го рисот!“ и „Во срцето на Балканот - Пеликаните од Преспа парк“, кои минатата година беа премиерно прикажани на европската телевизија Арте, конечно ќе може да ги погледне и македонската публика.

Двата филма преведени на македонски јазик ќе се промовираат на на 5^ти и 6^ти април во салата на  Кинотека на Македонија. Планирани се три проекции и тоа во 13 и 20 часот првиот ден, и во 20 часот на вториот ден.

На промоцијата ќе присуствува и режисерката и сценаристка на документарните филмови Корнелија Фолк.

Филмот „Во срцето на Балканот - Барајќи го рисот!“, изработен од германската продукција MDR беше снимeн во неколку наврати во 2010 година, а во декември 2011 година премиерно се емитуваше на европската телевизија АRTE.

Македонското еколошко друштво во соработка со невладината организација Euronatur од Германија и НП „Маврово“, учествуваше во изработка на документарниот филм за природните вредности на НП Маврово „Во срцето на Балканот - Барајќи го рисот!“ каде за прв пат е снимен и рисот со GPS околувратник Марко, кого тимот на МЕД го следеше речиси година и пол во Националниот парк Маврово.

Македонското еколошко друштво во понеделникот, на 5-ти март на планината Стогово залови балкански рис којшто по поставањето на GPS околувратникот беше ослободен во природа. Рисот е заловен во рамки на проектот “Статус, екологија и окупираност на територијата на критично загрозениот балкански рис во Македонија и Албанија“, а финансиран од Швајцарската научна фондација (SNF) и Швајцарската агенција за рзвој (SDC).

Рисот се фати во замка поставена на територијата на ловиштето „Душегубица“ во сопственост на Македонски шуми, подружница Лопушник-Кичево во дабова шума и на доста стрмен терен. Со ова ловиште тимот за заштита на балакнскиот рис во Македонија оствари многу добра соработка во која се регулира и делот на мониторинг на рисот.

Во организација на Чешкото орнитолошко друштво (www.birdlife.cz), Кралското друштво за заштита на птиците (www.rspb.org.uk) и BirdLife International (www.birdlige.org)  во периодот од 6-10 февруари 2012 беа организрани два настани кои ги обединија орнитолозите од Европа во Микулов, Јужна Моравија, Чешка. Претставници од Македонското еколошко друштво беа присутни и на двата настани. Од 6-8 феруари 2012 се одржа работилница на паневропската шема за мониторинг на обичните видови птици со цел преглед на активностите  на шемата за последните 10 години од нејзиното основање и установување на идните активности на организациите-членки на оваа шема. Особен акцент беше ставен на потребата од воспоставување одржливи мониторинг програми во сите земји во Европа и ревизија на листата видови птици кои се користат како индикатори за состојбата на животната средина.

 Вториот состанок се одржа од 9-10 февруари, првенствено наменет за подготовка на публикацијата Птиците во Европа 3. Дополнително, намерата на BirdLife International е да ги искористи податоците за состојбата на популациите на птиците кои се среќаваат во Европа при подготовка на Атласот на птиците гнездилки на Европа, при подготовка на Црвената листа на загрозени видови птици на Меѓународната унија за заштита на природата (IUCN), вклучувајќи го и новиот формат за известување според ревидираниот член 12 од Директивата за птици.

На објавениот повик за поднесување проектни концепти/проекти за доделување мали грантови на подрачјето на Илинска и Плакенска Планина заклучно со 30.12.2011 година, пристигнаа вкупно 38 предлог- проекти кои беа доставени за оценка до членовите на комисијата. Сите доставени предлог-проекти беа оценувани согласно следниве критериуми: квалитет на предлог-проектот, остварливост на проектот, одржливост на проектот, влијание врз средината и проценка на финансискиот план. Со големо задоволство комисијата констатираше дека поголемиот број од предлог-проектите се со висок квалитет и во целост ги исполнуваат критериумите за аплицирање.

Како продолжение на проектот „Идентификација и заштита на значајните растителни подрачја (ЗРП) во Македонија“, кој МЕД го спроведуваше во периодот од 2007 до 2009 година, од февруари, 2012 година со времетраење од една година започнува проектот „Поврзување на луѓето и природата-вмрежување на значајните растителни подрачја“. Идејата на проектот е да се формира т.н. ЗРП мрежа (IPAnet) која би опфаќала по три ЗРП од Македонија, Бугарија, Романија, Холандија и Англија. Преку организирање разни настани, кои пред сè ќе бидат одговорност на волонтери и организации во рамките на избраните ЗРП, значително ќе се придонесе кон промовирање на ваквите подрачја и потенцирање на нивното значење. Во Македонија има вкупно 42 идентификувани ЗРП. Како и во останатите земји кои учествуваат во формирањето на ЗРП мрежата, избрани се три подрачја од Македонија за потребите на овој проект, и тоа: Пелистер, Пехчево – Јудови Ливади и Шар Планина.

Мотото на оваа иницијатива е: Да го направиме тоа за природата!

Имајќи во предвид дека активностите на овој проект во најголем дел се засноваат на воспоставување мрежа на волонтери, добредојдени се сите заинтересирани кои сакаат да бидат дел од овој проект. За повеќе информации можете лично да нè посетите во канцеларијата на Македонското еколошко друштво или да се обратите кај:

Наталија Ангелова

Оваа е-пошта е заштитена од spambots, треба да вклучите JavaScript за да ја видите

тел.: 078 30 30 29

Македонското еколошко друштво (МЕД) и Германската фондација Еуронатур (EuroNatur), објавуваат повик за поднесување на проекти кои се однесуваат на локален одржлив развој на подрачјето на Шар Планина. Повикот е во склоп на проектот „Промоција на природните вредности на Шар Планина преку едукација за животната средина и инволвирање на „засегнатите страни“, кој се имплементира од страна на EURONATUR и МЕД. Овoj проект е финансиски поддржан од Германската федерална фондација за животната средина (DBU).

Предложените проекти треба да припаѓаат кон следните тематски активности:

    1. Подигање на јавната свест и едукација за животна средина и природата (за локално население и/или за туристи);

    2. Изработка на информативен материјал за животната средина и природата (за локалното население и/или за туристи);

    3. Одржливо искористување на природните вредности како извор на приход. 

   2

Во периодот од 8 до 12 ноември 2011 година, во хотел Оаза, Штип ќе се одржи завршна работилница во рамки на проектот „Крилја преку Балканот“.

Целта на завршната работилница е да се презентираат и промовираат досегашните резултати достигнати во рамките на проектот од сите парнерски организации вклучени во негова реализација, да се одредат понатамошните насоки за работа кон остварување на ефикасна заштита на птиците и природата преку остварување соработка меѓу регионалните организации, Euronatur и BirdLife International.

На работилницата ќе учествуваат претставници од сите осум организации од Балканот, како и BirdLife International и Euronatur (Германија).